پسینہ سب کو ہی آتا ہے بچے ہوں یا بڑے۔ اس سے جسم کوا ٹھنڈا رکھنے میں مدد ملتی ہے۔ لیکن جیسے ہر چیز کی اضافی مقدار نقصان دہ ہوتی ہے اسی طرح پسینے کا زیادہ آنا بھی ایک بیماری ہے اور اس کی وجہ سے مزید سنجیدہ مسائل ہمارے جسم میں جنم پاتے ہیں ۔اگر آپ کو زیادہ پسینہ آتا ہے
تو اپنے ڈاکٹر سے معائنہ کروالیں کہیں آپ میں بھی وٹامن ڈی کی کمی تو نہیں ؟وٹامن ڈی انسان کے جوڑوں، ہڈیوں، مسلز اور باقی تمام جسم کو توانا اور مضبوط رکھتا ہے۔ لیکن یہ کیسے معلوم کیا جائے کہ جسم میں وٹامن ڈی کی کمی ہورہی ہے؟ اس کی علامت میں وقت بے وقت بہت زیادہ پسینہ آنا ہی ہے۔ اور بعض اوقات پسینہ پیشانی پر بے موسم چمکتا نظر آتا ہے تو یہ وٹامن ڈی کی کمی کی نمایاں علامات میں سے ایک ہے.
خاص طور پر اس وقت جب آپ کوئی خاص بھاری جسمانی محنت بھی نہ کر رہے ہوں اور پھر بھی پسینہ تیزی سے خارج ہو تا ہو، اس صورتحال میں وٹامن ڈی کا ٹیسٹ کروانا سب سے پہلا اور لازمی کام ہے جس کی وجہ سے ہم خود کو نہ صرف پسینے سے بلکہ ہارٹ اٹیک، موٹاپے، ذہنی تناؤ، بیکٹیریل وائرل انفیکشن، تھائیرائڈ اور لو شوگر جیسے مسائل سے بھی بچا سکتے ہیں
