پیارے دوستو! سونف ایک ایسی باکمال چیز ہے جو انسانی جسم میں موجود بہت سے مسئلوں کو بہت جلد حل کرنے کی صلاحیت رکھتی ہے۔اس کے ساتھ ساتھ سب سے اچھی بات یہ ہے کہ سونف زیادہ مہنگی بھی نہیں ہوتی اورتقریبا ہر وقت گھر میں موجود ہوتی ہے۔خواتین اسے مختلف کھانوں میں ذائقہ اور خوشبو پیدا کرنےکے لیے استعمال کرتی ہیں، تاہم آج ہماری اس پوسٹ میں آپ کے لیے نہار منہ سونف کا پانی پینے کے کچھ حیران کن اور زبردست فائدے موجود ہیں۔
تو دوستو! سونف کا پانی نہار منہ پینے سے چند دن میں جسمانی وزن میں واضح کمی ہوتی ہے۔اس کے علاوہ سونف ہاضمے کے لیے بھی بہت فائدہ مند ہے اور میٹابولک ریٹ کو بہتر بناتی ہے، لہٰذا میٹابولک ریٹ کے بہتر ہوجانے سے معدے کی صفائی بہت جلد ہوجاتی ہے۔سونف کااگر پانی نہار منہ پیا جائے تو اس سے پیٹ کے ہر قسم کے مسائل دور ہوتے ہیں۔ اگر آپ کو اکثر قبض کی شکایت رہتی ہے اور کوئی چیز یا دوا اثر نہیں کر رہی تو آپ روز صبح نہار منہ سونف کا پانی پینا شروع کر دیں۔
آپ کا معدہ بالکل ٹھیک ہو جائے گا۔سونف کونیم گرم پانی میں شامل کر کے پی لیں یا پھر رات بھر پانی میں بھگوئے رکھ کر صبح نہار منہ پی لینا آپ کی جلد کے لیے انتہائی مفید ہے۔ اس سے آپ ناصرف فریش ہوجائیں گے بلکہ جلد بھی فریش اور تروتازہ ہو جائے گی۔سونف کے پتے اگر سات باداموں کے ساتھ کھا لیے جائیں تو سردرد کی شکایت دور ہو سکتی ہے۔
