Shab E Barat Ki Fazilat – Shab e Barat Jise Shab e Bakhair bhi kaha jata hai. Har 14 aur 15 Shaban ki darmiyani raat ko manaya jata hai.
Ye wo raat hai jab Allah Ta’la sab ke gunahon ko maaf karta hai. Aur wali taqdeer ka faisla karta hai.
Shab e Barat Ki Fazilat
Iss raat ko wast Shaban aur Layila tu Barat bhi kaha jata hai. Musalman bhi iss raat apne murda waledain aur lawaheqain ke liye dua karte hai. Inn ki qabron par shamain roshan karte hain.
Related: Wazifa for Debt and Wealth | Qarz Se Nijat Ka Amal
Nabi Kareem PUBH ne Shab e Barat ki fazilat bayan farmai hai. In main se baaz ahdees sanad ke aitbaar se beshak kuch kamzoor hain.
Lekin muhaddseen aur fuqha ka yeh faisla hai ke agar aik riwayat sanad ke aitbar se kamzoor ho. Lekin is ki taaid bohat si ahadees se ho jaye to is ki kamzoori door ho jati hai.
Rasool Allah SAW ne irshad farmaya ke, Ay Aisha tum ke is raat main kia hota hai..?
Arz kia Ya Rasool Allah bataye iss raat main kia hota hai. Aap SAW ne farmaya is raat main Adam AS ki aulad main se jo shakhs iss saal paida hoga. Aur jo shakhs iss saal mary ga us ka marna aur paida hona likha jata hai.
Jo farishte in kamon par muqarar hain un ko itlah di jati hai. Aur jitna jitna rizq makhlooq ko is baras main mile ga sab likha jata hai.
Aur is 15 Shaban ki rat Allah ta’la suraj dubte hi iss duniya ke aasman par tashreef late hain. Aur irshad farmate hain ke koi naik banda aisa hai aisa hai jo ham se bakhshish mange to ham is ko bakhsh dain. Koi rizq mange ham is ko rizq dain.
Shab e Barat Ki Ibadat
Shab e Barat main 14 rak’at nafil namaz 2, 2 kar ke aise parhain. Ke har rakat main Surah Fatiha ke baad koi bhi surat 1, 1 baar parhain.
Har 2 rakat ke baad 14, 14 baar Surah Fatiha aur Surah Ikhlas parhain. Phir 1 bar AYAT UL KURSI parhain is ke baad Surah TAUBA ki ayat 128–129 parhain is ka bohat ajaro swab hai.
